Blogroll

KWA MAWASILIANO ZAIDI TUWASILIANO KUPITIA BARUA PEPE pallangyorachel@yahoo.com AU NIPIGIE KUPITIA NAMBARI 0715187511

Pages

Friday, January 5, 2018

CHIRWA NA LAMBART WASIMAMISHWA KWA VITENDO VYA UTOVU WA NIDHAMU

MSHAMBULIAJI wa Yanga, Obrey Chirwa na Lambart Sabiyanka wa Tanzania Prisons wamesimamishwa kutokana na kufanya vitendo vya utovu wa nidhamu hadi malalamiko dhidi yao yatakaposikilizwa na Kamati ya Nidhamu ya TFF.
Akizungumza jana Mtendaji Mkuu wa Bodi ya Ligi (TPLB) Boniface Wambura alisema kamati ya saa 72 ilikutana juzi na kupitia taarifa mbalimbali za ligi na  kuzitolea maamuzi.
“Kamati imeiomba TFF iipatie Bodi ya Ligi uamuzi  wa Kamati ya Nidhamu juu ya mchezaji wa Yanga kusimamishwa baada ya mechi dhidi ya Mbao FC wakati akisubiri mashtaka yake ili kuufanyia kazi kwa ajili ya mapendekezo ya marekebisho ya Kanuni,” alisema Wambura. 
Tanzania Prisons, Ndanda FC, Mwadui FC, Mbao FC Zimepigwa faini ya sh 500,000 kila moja kutokana na makosa mbalimbali kwa kuzingatia kanuni za ligi kuu pia Mbao FC, Etiene Ndayiragije amefungiwa mechi tatu na kupigwa faini ya sh. 500,000.
Pia Mtunza Vifaa wa Lipuli FC, George Mketo amesimamishwa akisubiri suala lake la kuwatukana waamuzi na Kamishna Billy Mwilima amepewa onyo kali kwa kuruhusu mchezaji Hamisi Msabila wa Mbeya City kucheza mechi bila kuonyesha leseni

Aidha Kamati imeiomba Sekretarieti ya Bodi ya Ligi kutoa Waraka mwingine kwa klabu kuzikumbusha kuhusu kutoa orodha ya wachezaji kwenye kikao cha maandalizi ya mechi.