Blogroll

KWA MAWASILIANO ZAIDI TUWASILIANO KUPITIA BARUA PEPE pallangyorachel@yahoo.com AU NIPIGIE KUPITIA NAMBARI 0715187511

Pages

Tuesday, July 26, 2016

MKWASSA AMREJESHA YONDANI TAIFA STARS


KOCHA wa  timu ya Taifa ya Soka, ‘Taifa Stars’ Charles Mkwassa  amemrejesha beki  wa Yanga, Kelvin Yondani kwenye kikosi kitakachocheza na Nigeria, Septemba 2,  kwenye mchezo wa kuwania kufuzu fainali za Afrika
Akizungumza na wandishi wa habari,  Mkwasa alisema  kambi ya hii ya  siku tano itakuwa  ya  maandalizi ya Awali na baadae watarejea kwenye timu zao na watakutana tena Agosti 23, 24 au 25 kwa ajili ya maandalizi ya mwisho.
“Kwenye kikosi kilichopita Yondani hakuwepo kwa sababu alikuwa anatumikia adhabu ya kadi mbili za njano  na hii ni mechi muhimu kupata matokeo mazuri ndio maana nimekusanya vijana mapema ili wapate maandalizi mapema”, alisema Mkwassa,
Pia Mkwassa alisema kwenye kambi hii wachezaji wa kimataifa hawatakuja bali wataungana na wenzake Nigeria kwa vile hii mechi haipo kwenye kalenda ya FIFA na kudai ameweka misingi mizuri kwenye timu na endapo kuna atakuja kocha mwingine atakuwa na mahali pa kuanzia.
 Mkwassa pia amekiri mchezo huu ambao ni wa kukamilisha ratiba utakuwa mgumu kwani Nigeria wamebadili benchi la ufundi hivyo kila timu inaungalia mchezo huu kwa jicho la pekee.
Wachezaji walioitwa ni makipa Deogratius Munishi, Aishi Manula, Benny Kakolanya, mabeki ni Kelvin Yondani, Agrey Morris, Oscar Joshua Mohamed Husein ‘Tshabalala’, Juma Abdul na Erasto Nyoni
Viungo ni Himid Mao, Mohamed Ibrahim, Shiza Kichuya, Jonas Mkude, Ibrahim Jeba, Mwinyi Kazimoto, Farid Mussa Juma Mahadhi, Hassan Kabunda

Washambuliaji ni Simon Msuva, Joseph Mahundi, Jamal Mnyate, Ibrahim Ajib John Bocco na Jeremia Juma