Blogroll

KWA MAWASILIANO ZAIDI TUWASILIANO KUPITIA BARUA PEPE pallangyorachel@yahoo.com AU NIPIGIE KUPITIA NAMBARI 0715187511

Pages

Tuesday, June 21, 2016

MALINZI AMPONGERA WAMBURA NA KAMBI KUCHAGULIWA WENYEVITI



RAIS wa Shirikisho la Soka Tanzania, Jamal Malinzi ametuma pongezi kwa Michael Wambura kwa kuchaguliwa kuwa Mwenyekiti wa Chama cha Soka mkoa wa Mara na Athuman Kambi kwa kuchaguliwa kuwa Mwenyekiti wa Chama cha soka mkoa wa Mtwara.
Akizungumza na wandishi wa habari jana, Afisa Habari wa Shirikisho la Soka Tanzania, Alfred Lucas, alisema Malinzi amesema ana imani  na viongozi hao kuwa wataendeleza soka kwenye mikoa yao.
"Rais wa TFF amesema ana imani na viongozi waliochagulia na kusema watasimamia vema soka kwenye mikoa yao kwani ni viongozi wapenda soka", alisema Lucas.
Pia Lucas alisema uchaguzi huo umefanyika kulingana na katiba na kalenda ya uchaguzi.
Kambi  alikuwa anatetea nafasi yake wakati Wambura aliyewahi kuwa katibu mkuu wa chama cha soka nchini, FAT, sasa hivi Shirikisho soka nchini, TFF alikuwa mgombea pekee.
Wambura alishawahi kugombea nafasi mbalimbali ikiwemo Urais wa Simba, lakini aliondolewa kwa kuvunja kanuni za uchaguzi na wakati mwingine alidaiwa kukosa sifa